ಇಂತಿ ನಾಗು...!!

ಕ್ಷಣಕ್ಕೊಂದು.., ದಿನಕ್ಕೊಂದು ಕೆಲವೊಮ್ಮೆ ವರುಷಕ್ಕೊಂದು ಪಾಠ ಕಲಿಸೋ ಈ ಬದುಕಿನ ಮುಂದೆ ನಾ ಹೀಗೆ..,ನಾ ಹಿಂಗೆ ಬದುಕ್ತೀನಿ ಅಂಥ ಎಷ್ಟ್ ಜನ ಅನ್ಕೊಂಡಿದ್ದಾರೋ, ಅದೆಷ್ಟು ಜನ ಬದುಕಿದಾರೋ, ಬದುಕ್ತಾ ಇದಾರೋ ಗೊತ್ತಿಲ್ಲ..!
ಹಾಗೆನೆ ನನ್ ಬಗ್ಗೆ.., ನಾ ಹಿಂಗೆ ಅಂಥ ಹೇಳ್ಬೋದು.., ಆದ್ರೆ ಹಾಗೇ ಇರುತ್ತಿನಾ ಅದೂ ಗೊತ್ತಿಲ್ಲ..
ಈ ಗೊತು..,ಗೊತ್ತಿಲ್ಲದ ನಡುವೆಯೇ ಬದುಕ್ತಾ ಇದಿನಿ.. ಬದುಕ್ತೀನಿ.. ಅದು ಮಾತ್ರಾ ಗೊತ್ತು...!!

ಕೆಲವು ಅಚ್ಚರಿ ~ ಕೆಲವೊಮ್ಮೆ ಬೆಚ್ಚಿ ಬಿಳಿಸೋ ಕ್ಷಣಗಳ ತುಂಬಿಕೊಂಡಿರುವ ಈ ಬಾಳ ಪಯಣದಲಿ ನಮ್ಮೋವ್ರು.., ಗೆಳೆಯ-ಗೆಳತಿ.., ಪ್ರೇಮಿ ಹೀಗೆ ಯಾರುಯಾರೋ ಜೊತೆಗೆ ಬರ್ತಾರೆ, ಹಾಗೆ ಸಾಗ್ತಾ ಇರೋವಾಗಲೆ ನಮ್ ಕೈ ಬಿಟ್ಟು ಕೆಲವೊಮ್ಮೆ ನಮ್ಮ ದಾರಿಯನ್ನೇ ಬಿಟ್ಟು ಹೋಗಿರ್ತಾರೆ; ಆಗ ಗೊತ್ತಾಗಲ್ಲ.. ಗೊತ್ತಾದಾಗ ಮೌನ ಅನ್ನೋ ಮಸಣದಲಿ ಹೇಳದೇ ಉಳಿದ ಮಾತುಗಳು ಮಣ್ಣಾಗುತ್ತವೆ ಆಗ ಮನದ ತುಂಬ ಸೂತಕ..
ಆ ಸೂತಕದಲ್ಲೇ ಆ ಮನಸ್ಸು ಸತ್ತೋಗಬಹುದು ಇಲ್ಲ ಮತ್ತೆ ಅನಿಶ್ಚಿತತೆಯ ಬದುಕಿನೆಡೆಗೆ ಮುಖ ಮಾಡಿ ಹೊರಡಬಹುದು..! ಮತ್ತೆ ಅದೇ ಗೆಳೆಯ..ಗೆಳತೆ..ಪ್ರೇಮಿ..ಬಂಧು ಬಳಗ..!! ಮತ್ತದು ಸತ್ಯ ಹಾಗೆ ಸೂತಕದಿಂದ ಎದ್ದ ಮನ ಮುಂದೊಂದಿನ ಸತ್ತು ಇನ್ಯಾರದೋ ಮನೆಗೆ,ಮನಕೆ ಸೂತಕವಾಗಬಹುದು..!

ಬದುಕೋಕ್ಕೆ ಸಾವಿರ,ಕೋಟಿ ಸೂತ್ರಗಳಿರಬಹುದು.. ಅವು Increase ಆಗುತ್ತವೇ ಹೊರತು ಕಮ್ಮಿಯಾಗಲ್ಲ.. ಆ ಸೂತ್ರಗಳಲ್ಲಿ ತಮ್ಮ ನಡೆ,ನುಡಿ ಗೋತ್ರಕ್ಕೆ ಯಾವುದು ಒಪ್ಪುತ್ತೋ ಅದನ್ನ ಆಯ್ಕೆ ಮಾಡ್ಕೊಂಡು ಬದುಕೋರು ಇದ್ದಾರೆ.. ಅಥವಾ ತಮ್ಮದೇ ಒಂದು ಹೊಸ ಸೂತ್ರವನ್ನ ಮಾಡಿ, ಅದಕ್ಕೆ ತಕ್ಕಂತೆ ಬದುಕೋರು ಇರ್ತಾರೆ..!
ಈ ಸೂತ್ರ,ಗೋತ್ರಕ್ಕೆಲ್ಲ ತಲೆ ಕೆಡಿಸಿಕೊಳ್ಳದೆ ಬದುಕೋದು ಒಂದು ಸೂತ್ರವೇ..!
ನಂದು ಅದೇ ಸೂತ್ರ ಇರಬೇಕು..!
ಬದುಕು sine Waveನ ಪ್ರತೀಕ, ಒಂದೋ ಎತ್ತರದತ್ತ ಇಲ್ಲ ಇಳಿಜಾರಿನತ್ತ.. ಎತ್ತರಕ್ಕೇರಿದವ ಕೆಳಗಿಳಿಯೋದು ಮತ್ತೆ ಮೇಲೇರೋದು ಎಲ್ಲಾ ಸಾಧ್ಯವೇ...!

ಕ್ಷಮಿಸಿ ನಾ ನಂದೇ ಒಂದು ಹೊಸ ಸೂತ್ರ, ಥಿಯರಿ ಎನೂ ಕೊಡ್ತಾ ಇಲ್ಲ.. ಇಲ್ಲಿವರೆಗೆ ಅಂದ್ರೆ ಬುದ್ದಿ(...?) ಅನ್ನೋದ್ ಬಂದಾಗಿಂದ ಹೇಗೇಗೆ ಬದುಕಿನಿಂದ ಬುದ್ದಿ ಕಲಿತು ಬದುಕಿದಿನೋ, ಬದುಕ್ತಾ ಇದಿನೋ ಅದರ ಅಕ್ಷರ ರೂಪ ಇದು..
ಇದು ಬೊಗಳೆ ಅಂದ್ರೆ ಬೊಗಳೆ... ರಗಳೆ ಅಂದ್ರೆ ರಗಳೆ..!
ಯಾವ್ದೋ ಒಂದು Side'ಗ್ ಹೋಗ ಲೇ..!

yes.. i vil.. ಅದರಲ್ಲೇನಿದೆ..!

ಒಂದಂತೂ ಸತ್ಯ ನಮ್ ಗುರು ಖಲೀಲ್ ಗಿಬ್ರಾನ್ ಹೇಳೋ ಹಾಗೆ " ಸುಖ ಅನ್ನೋದ್ ನಿನ್ನ ಬಾಗಿಲ ಬಳಿ ನಿಂತಿದ್ರೆ ದುಃಖ ನಿನ್ನ ಹಾಸಿಗೆಯ ಮೇಲೆ ಮಲ್ಕೊಂಡಿರುತ್ತೆ.."
ಅವು ಒಂದೇ ನಾಣ್ಯದ ಎರಡು ಮುಖಗಳು..!

ಹೋಗಲೇ ಅತ್ಲಾಗೆ ಇವೆಲ್ಲಾ ನಮ್ಗೊತ್ತಿರೋದ್. ಹೊಗೋಗ್ ಅಂತೀರಾ ಅನ್ನಿ..
ಎನೋ ಇಲ್ಲಿ ಜಾಗ ಕೊಟ್ಟೊವರಲ್ಲ ಅಂಥ ಬರೆದಿವ್ನಿ..!
ತಪ್ಪಿದ್ರೆ ಗೊತ್ತಲ್ಲ ಏನ್ ಮಾಡ್ಬೇಕ್ ಅಂಥ..!

ಇದು ಇವತ್ತಿನ ತನಕ ಕಲಿತಿದ್ದು.. ಗೊತ್ತು ಮುಂದೆ ಬೇಜಾನ್ ಕಲಿಯೋಕ್ಕಿದೆ.. am ready 4 tat..!
ಹಾಗೆ ಕಲಿತು ಮುಂದೆ ಇದೇ ಜಾಗದಲ್ಲಿ ಮತ್ತೆ ಬರೀತೀನಿ ನನ್ನ ಬಗ್ಗೆ..!
ಅದು ಸಾಧನೆ ಆಗಿರಲಿ, ವೇದನೆ ಆಗಿರಲಿ ಯಾವದಾದರೂ ಸರಿಯೇ..!ನೀವು ಓದಿದರೆ ಸಂತಸ ಇಲ್ಲಾ ಅಂದ್ರೆ No ಸಂತಸ.. ಬೇಜಾರಂತೂ ಇಲ್ಲ..!

ನಗ್ ನಗ್ತಾ ಬದುಕ್ಬೇಕು ಅಂತಾರೆ, ಅದು ಕೂಡ ಬೋರಿಂಗ್ ಅಲ್ವಾ.., ಯಾವಾಗಲೂ ಸಂತೋಷವಾಗಿರೋದು.. ಅದಕ್ಕೆ ಇರಬೇಕು ನೋವು ಅನ್ನೋದು ಬಂದು ಲೋ ಮಗನೆ ನಾನೂ ಒಬ್ಬ ಇದಿನೋ ಅಂಥ ಬೆಚ್ಚಗೆ ಎಚ್ಚರಿಸಿ ಹೋಗುತ್ತೆ..

ಇಷ್ಟೆಲ್ಲಾ ಅಗಿ.., ಮುಂದೊಂದಿನ ನಾವು..ನೀವೆಲ್ಲಾ ಸತ್ತು, ಅದೇ ಮೇಲೇನೋ ಇದಿಯಂತಲ್ಲಾ ಅದು ನಿಜವಾಗ್ಲೂ ಇದ್ರೆ ಅಲ್ಲಿ Meet ಆಗಿ.. ಮಗ ನಾ ಹಿಂಗೆ ಬದುಕ್ದೆ ಕಣ್ಲಾ.., ನಾ ಅಂಗ್ ಬದುಕ್ದೇ ಕಣ್ಲಾ ಅಂಥ ಹೇಳ್ಕಂಡ್ ಖುಷ್ ಆಗಣಾ ಏನಂತೀರಾ...?

ಒಂದೋ ಹೆಂಗ್ ಬದುಕ್ತೀವಿ ಅನ್ನೋದ್ ಮುಖ್ಯ..
ಇಲ್ಲಾ ಬದುಕೋದೇ ಮುಖ್ಯ,,!!